Aliw-iw Dance Forum 2009

(foto source - http://www.filipinobooks.com/copy1roa/_borders/folkdance_poster.JPG)

Mga Ka-Sayawan at Ka-Tugtugan! Ito po ang pinakahuling balita patungkol sa ating proyekto:

Itutuloy po natin ang ating napagusapang gawain, ang sayawan at tugtugan para muling buhayin ang dancing spirit nating mga Pinoy...

Aliw-iw Dance Forum 2009

Ito ay gaganapin sa: Hunyo 14, 2009 (Linggo)
3:00 PM - 6:00 PM
UP Sunken Garden

Sa bawat grupong "co-conspirator" UP Street Dance Club, LaSalle FROLIC, UP Indak Oryantal, BANGSI, UP Kontragapi, Sanghabi at mga inaasahan pang maging "co-conspirators" Filipiniana Dance Troupe, UP Anido, Dance Sport, Brigada, at Spring of Harmony Internal Arts maaari po lamang maghanda ng 5-sentence write-up patungkol sa inyong grupo, at mp3 file ng 3 tugtog na maaaring gamitin para sa inyong mga sayaw. Gayundin po ang listahan ng mga kasapi na makakasama (buong pangalan/ kasarian) at food preference (vegetarian, allergies, etc).

Ang nakatakda po nating rehearsal ay sa Hunyo 14 din, mula 12:00-2:00 PM, maaaring sa likod ng Vinzons hall, o isa sa mga bakanteng lugar sa loob na rin ng UP.

Nais rin po naming klaruhin sa lahat na bagamat maganda kung "kikita" tayo sa gawaing ito, di ito ang pangunahing layunin ng pag-organisa nito (maliban sa maaaring di naman talaga tayo kumita)...kundi ang magkaroon ng "venue" para sa mga kakaiba at bagong pamamaraan ng pagtitipon, yaong di nakatali sa mga pag-uusap o pag-iisip, sa halip ay nakatuon sa paggalaw ng katawan na nagmumula sa ating mga puso at kaluluwa...

Tanging maipapangako po namin sa bawat grupong makakasama dito ay ang libreng "publicity" at "exposure". Sa anuman pong "publicity material" na ilalabas ay makakasama ang pangalan ng inyong grupo, at sa mismong araw ng ating Dance Forum ay babanggitin din kasama sa anunsyo (sa dulo ng programa) ang mga grupo naging kabahagi. Gayundin ay maaari kayong magbenta ng tiket, o anuman sa araw na iyon at maaari ring mag-anunsyo ng inyong mga proyekto.

At nais rin po sana naming humingi ng tulong, kung may mga kontak kayo na maaaring mabigyan ng "solicitation/ sponsorship letters" ay sabihin lamang po sa akin, thru email or text.

Ang Stage Manager po natin ay si Louise, kaya't para sa anumang komunikasyon, katanungan o klaripikasyon ay sa kanya ninyo i-diretso -- louisefar@yahoo.com / cel #09196952507. Sa kanya nyo na rin po ipadala ang mga mp3 file, 5-sentence write-up, listahan ng pangalan at food preference.

Maraming salamat po!


Sumasainyo,

Janneke NEX Agustin
nexagustin@gmail.com
0916.2486592
02.4735803